РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
Ноч на Прыпяці
Авёс пасьпелы на далоні.
I поле – мілае да сьлёз.
Стрыгуць траву начныя коні.
Ды будзіць Прыпяць цеплавоз.
 
Усё яшчэ... Яшчэ – ня ўчора.
Але зь якіх глухіх начэй
Мне зазірае ў вочы воран
Бязьлітасна, нібы Кашчэй.
 
Яму – пад сто. Яму ня сьпіцца.
Дый мне сягоньня не заснуць.
I трызьніць закахана Прыпяць,
I воды плыткія пяюць.
 
Усё яшчэ як на далоні:
Падкоўкі дзён, каралі рос.
Але ляцяць у бездань коні,
I рас-
          сы-
                  па-
                          ецца
                                      авёс.
 
 
 
 
Падабаецца     Не падабаецца
2009–2022. Беларусь, Менск.