РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
Да Вас
Аціхлі дрэвы і шляхі,
Каб голас Ваш змагла пачуць я.
Так растапляюць лёд глухі
Вясны жаданыя пачуцьці.
 
Пастойце ж на гары крутой!
Нам усё роўна дыхаць розна.
Так белізны сваёй сьвятой
Засарамаціцца бярозка.
 
Я аддала сябе сама
Ва ўладу полымя і скрухі.
Каторы год між нас – зіма,
Ляцяць гады, як завірухі.
 
Сачу задумнай сіратой
Адзін пагляд, што мілы зроку.
Пабудзьце ж на гары крутой!
Я пакланюся Вам здалёку.
 
 
 
 
Падабаецца     Не падабаецца
2009–2020. Беларусь, Менск.