Здавалася: ні голасу, ні цела, А ў галаве – сірэны і званы. I аднаго тады душа хацела: Упасьці у сівыя палыны! Смылела ноч, палаты дыярама, I чорны прывід кратаў за руку. I знала я: рыдае дзесьці мама I, ледзь жывая, едзе ў цягніку. Кругі шляхоў, як чорныя пласьцінкі, I смутнай хваляй – сэрца ускалых. I курс немэдыцынскае лацінкі «Per aspera...» – будзілі хворы слых. Мне сорамна цяпер і не да твару Маленьне прорвы воўчай ці грудка... I знаю я: ёсьць тысячы аварый На ўдары сэрца, думкі і радка! Прайду быльлём і церпкай лебядою. I на жыцьцё разьвяжа вочы сын. ...Гляджу, як прад усьмешкай маладою Дрыжыць сухі, зьбянтэжаны палын.
|
|