Аляксею Дудараву
Спакойнага дня санцалікі ірдзень. Цяпла напіліся таполі. А ў сьвеце, дзе столькі балючых падзей, Жывём, як на атамным полі. Нямала прайшло лікаваньняў і кроз, Шумяць цемналістыя кроны. Мне сьветла і горасна так, што наскрозь Ты бачыш мяне, аддалёны. Ад шкла ветравога пагляд адыму, I вочы успыхнуць, як неба. Шчасьлівы? Вядома табе аднаму, А болей – нікому ня трэба. Я знаю, што родныя мы па жальбе, Па зорцы, што мкне з абеліска. Мы едзем, і пальцы дрыжаць у цябе На чорным пластмасавым дыску. Мінём крутаяр, а журбы не мінём. Дзе шлях яшчэ выткан раднейшы? Мы едзем ласкавым раскрыленым днём, За дзень да вайны ў 41-м.
|
|