I кожны дзень – гарачы вырай Зьдзіўленьняў, радасьці, клапот. Так я іду на голас ліры, Дзе ўсё – фантазія, палёт. Які зайздросны сьвет паэта – Зь нябачных промняў вобраз ткаць, I – заміраць на схіле лета, I ў вольным слове ўваскрасаць! Яшчэ сьвітаюць і лунаюць Сузор'і вернасьці ў палях. Няхай грамы ператрасаюць, Пераварочваюць мой шлях. Але гудзе любові крыльле, Шчасьлівы славячы прыгнёт. Жыцьцё маё, і там, на схіле, Ты ўсё – загадкавы палёт.
|
|