Такой прысьні, як яблыневы сад. Там не ачахла сонечная сьцежка. Хвалюецца высокі сьнегапад, А на губах – іскрыстая усьмешка. Нібы прадаўшы жыта, сьпяць сваты, А на вусах – па зманліваму слоўцу. Мы пройдзем праз драпежныя пасты Шыпшыньніку і хітрага ядлоўцу. Гусьцее пільнай ночы абалонь, А наша лодка, як на сьмех, бяз донца. Ды пройдзем праз калінавы агонь, Каб затрымацца на узьлёце сонца! Запамятай такою, як была, Зьдзірала як нясьцерпныя кляйноты. Сьмяюцца вочы, поўныя сьвятла, А на губах – гарчавінка самоты.
|
|