Весяліўся, сьмяяўся агонь, чарванеў як зара-зараніца, і згараў на ім белы мой конь, і згараў на ім мужны мой рыцар. Як з паганскіх курганных часоў, ішлі ўдовы на вогнішча сьмерці, я, найболей няшчасная з удоў, свайму рыцару кінула сэрца. Узьняўся ў табе ахвярны мой дым, рос із сэрца майго агнявіцай, і скрозь сьлёзы я бачыла ў ім, як ажыў йзноў конь белы і рыцар. I сярод найцяжэйшых пакут я паверыла сэрцам гаротным, што з ахвяраў нам зродзіцца цуд, што наш Рыцар і Край нясьмяротны.
|
|