РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Зямля
Дарагая матуля зямля,
Бог па тое мне даў дзьве далоні,
каб я гладзіць ласкава магла
Твой дыван машастова зялёны.
 
Знай, згараная скіба мая,
ціхім шчасьцем пранятая маці
можа, гэдак аддана як я,
гладзіць толькі галоўку дзіцяці.
 
Мне жыцьця для Цябе не шкада,
паэтыцкім мы зроднены духам,
Бог і сьлёзы на тое мне даў,
каб цябе заліваць у час засухі.
 
I на тое мо’ сэрца ў грудзёх,
каб сагрэць цябе словам і чынам,
і на тое натхненьне даў Бог,
каб Цябе апяваць безупынна.
 
 
 
 
Падабаецца     Не падабаецца
2009–2020. Беларусь, Менск.