Noč nadyjšła, baraźnić
Nieba prastoru pustuju.
Vypaŭz na dach maładzik,
Vyciahnuŭ mieč... i vartuje.
Chaj padcikajecca zło, –
Ŭ mih adsiačeć jamu hołaŭ...
Chto tam?
Nie, heta hallo
Łipaŭ prasiejvaje šołach...
Cicha...
Znoŭ...
Kroplami ŭ zmrok
Kapaje niečaja pieśnia.
Peŭnie, chtoś serca urok
Nočču łilovaj la vieśnic...
Hołas, nu j hołas!
Na ździŭ!
Ech, i dajecca-ž u znaki!
Komin abniaŭ maładzik,
Mieč apuściŭ...
i zapłakaŭ...
|
|
