РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі      Гасьцёўня      Спасылкі      Аб сайце       Кірыліца      Łacinka    
Янка Купала
Вершы
Кантэкстны тлумачальны слоўнік
Для Янінкі
Для Янінкі, для цёзкі,
      Шлю паклон шчыры зь вёскі:
Жычу весела расьці, ўсе навукі перайсьці,
      I шчасьліва, і ахвотна,
      Ды бяз сумнасьці маркотнай
              Песьні пець
              І ляцець
 
      Па-над борам
      К сонцу, к зорам,
З вольнай думкай па-над гаем,
Па-над нашым бедным краем...
 
*

Для Янінкі, для цёзкі,
        Шлю паклон шчыры зь вёскі:
Жычу, посьле ўсіх навук без прынукі і дакук,
      Жыці з мужам, а багатым,
      Каб была век доля сьвятам,
              Добра жыць
              І любіць
              Дружку дружка,
              Як пяюшка –
      Птушка птушку, што век звонка
      Славіць нашую старонку
              І са мною для цёзкі
              Шле паклон шчыры зь вёскі!..
 
[1911]
 
 
 
 
Падабаецца     Не падабаецца Водгукі
2009–2019. Беларусь, Менск.