РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
*  *  *
Дзе б ні быў я, што б ні думаў, –
      Ты ўсюды са мною
I мне сьвеціш у тэй цемры
      Яснаю зарою;
 
А ў часіны злой нядолі
      Смутак разганяеш,
Тугу, гора і журботу
      Ты мне сунімаеш.
 
Толькі ж леглі паміж намі
      Берагі крутыя,
Нам пуцінкі завалілі
      Камяні ліхія...
 
Згодна ў полі ўдоўж дарогі
      Каляінкі ўюцца,
Ды ніколі між сабою
      Яны не сальюцца.
 
1910
 
 
 
 
Падабаецца     Не падабаецца
2009–2023. Беларусь, Менск.