РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
*  *  *
Божа мой! Калі паўстане
      Ў сьвеце згода тая?
Лад ці скора к людзям гляне,
      Змоўкне бура злая?
 
Загарэўся, задыміўся
      Сьвет вайной, і далей
Дым пажараў пакаціўся
      Агнявістай хваляй.
 
Гінуць людзі, памарнелі
      Скарбы іх і сёлы,
Ад крыві пачырванелі
      І горы і долы...
 
Божа мой! Калі уціхне
      Гэта трасяніна?
Бляскам сонца калі ўспыхне
      Згоднасьці часіна?
 
1915
 
 
 
 
Падабаецца     Не падабаецца
2009–2022. Беларусь, Менск.