Ці дома я, ці я ў паходзе, Калі адзін, як воўк, брыду, – У кожнай хвілі і ў прыгодзе З сабой нясу дум чараду. За ёю сьледам сумным ходам Малюнкі прошласьці плывуць, І так мне жаль іх і так шкода, Што іх нанова не вярнуць. На сэрца горыч вірам хлыне, Як дождж на гольле і камлі: Мой добры друг, мая сьвятыня, Ляжыць адна ў сырой зямлі. Развага кажа мне: зьмірыся, І твой ня так жа шлях даўгі, І сэрца рвецца ў тыя высі, Дзе сонца значыць берагі.
1945
|
|