Ты нікуды ня ўцёк, не схаваўся ў кусты І цяпер не гаворыш, што гэта ня ты Адышоў ад сяброў, што змагацца пайшлі І за волю, й за мову, й за веліч зямлі, На якой нарадзіцца нам дадзена лёсам... І ты будзеш маліцца самотным бярозам, І ты будзеш дзівіцца з рассыпаных росаў, Што на травах, нібыта на дзідах, сьвітаюць І наш край асьвятляюць ад краю да краю, Дзе няма і ня будзе ніякага раю, Бо нікуды ня ўцёк, не схаваўся ў кусты Той, хто тут, каб пажыць, прывалокся сюды, І чужым тут застаўся, і будзе чужым, І яму наша веліч – ад вогнішча дым... Ты нікуды ня ўцёк, не схаваўся ў кусты. Паміраючы, зноў нараджаесься ты...
30.IV.2006.
|
|