...Ну а паэт слугой ня можа быць,
Ён можа толькі, як паэт, служыць
Адной, нібы адно жыцьцё, Айчыне,
Адной, нібыта Храм адзін, жанчыне,
Служыць, нібы ў каўчэзе Ноя быць
Цьвіком, які спатрэбіцца пасьля,
Калі ўжо будзе знойдзена зямля,
Дзе можна будзе цьвік загнаць у крыж...
Чакаюць слоў тваіх, а ты маўчыш,
Бо ты слугой ня маеш права быць,
Бо ты задуманы, як цьвік, служыць
Адной, нібыта крыж адзін, Айчыне,
Адной, нібы зямля адна, жанчыне...
|
|
