Кожны можа пакрыўдзіць паэта, Нібы кветку з магілы сарваць, Што забытая, нібы край сьвету, Да якога ідзём, каб маўчаць, І рабіцца зямлёй і травою, І зьнікаць, як туман, як сьнягі. Кожны хоча паэта крывёю Акрапіць свае сёньня сьцягі, Пад якімі самотныя людзі, Як вада, як агонь, як трава, У прыдуманай вечнасьці блудзяць І ня бачаць, дзе хлуд, дзе царква. І гляджу я празь сьлёзы на гэта, І сьлязою прад мною наш сьвет, Дзе ўсе могуць пакрыўдзіць паэта, І заплача, як неба, паэт...
|
|