Баляда Адама Станкевіча
|
6.01.1892 – 29.11.1949
|
Як канваір, мяцеліца зьбівае з ног І замятае, як агонь, крывавы сьлед. І чорная тайга з дарогай на той сьвет Як страшны сон, які прысьніцца толькі мог, А яваю ня стаць, бо ёсьць над намі Бог, Як ёсьць заўжды сьвятло ў касьцёле і царкве, Але сьвятар ідзе – вялікі філянтроп– Па мёртвае дарозе ў свой апошні шлях, І сьнег, нібыта крыж бялюткі, на плячах Ляжыць, і сьнег наўкол, нібы другі патоп, Дзе белы сьвет з жыцьцём губляецца ў сьнягах І паўстае, нібыта ўдар кувадлы ў лоб, Каб раптам не ажыў, хто жыць яшчэ хацеў, І верыў, і любіў, і спадзяваўся зноў Вярнуцца ў родны край, дзе сьветла ад дажджоў, Як ад малітвы...
3.II.2005.
|
|