РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
Баляда Тодара Кляшторнага
11.03.1903 – 30.10.1937
Трамваі зноў разбудзяць горад шэры,
Засьвецяцца, нібыта ліхтары,
Лістотай трапяткою клёны ў скверы,
Жаўцюткія і чорныя ўнутры.
 
І ўсё абудзіцца, і дзень пачнецца,
І засьмяецца сумнае дзіця,
Але тваё не страпянецца сэрца,
Бо куля ў ім і ў ім няма жыцьця,
 
Якое ты любіў пад родным небам,
Зь якога часта дождж і сьнег ішоў,
Ды неба іншага было ня трэба,
Бо ў сьвеце лепшых сьнегу і дажджоў
 
Няма, і не было, і больш ня будзе
І ў вершах застануцца назаўжды
Яны і новы дзень сабой абудзяць,
Нібы трамвай, ад сонца залаты,
 
Што празьвініць і зьнікне за дамамі
Старымі, як і гэты сьвет стары,
І будзе плакаць дзень дажджом-сьлязамі
Чарнюткімі і сьветлымі ўнутры.
 
29.IX.2008.
 
 
 
 
Падабаецца     Не падабаецца
2009–2020. Беларусь, Менск.