РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
Баляда Янкі Шутовіча
24.01.1904 – 9.12.1973
У Віленскай карціннай галерэі
Ты сьціплы беларускі вартаўнік.
І сэрца, і душу мастацтвам грэеш,
Не забываеш маладыя дні,
Дзе ты з паэтамі аб волі мроіш
Краіны, у якой жыве народ
Ня цёмны і сьляпы, нібыта крот,
А мудры, у якога ёсьць гэроі
І замкі, храмы і дзяржаўнасьць мовы...
Ды многае з жыцьця забыць гатовы,
Дзе быў ты, вольны, за калючым дротам
І ў думках толькі Беларусьсю жыў,
Што, нібы кветка папараць пад лёдам,
Была схавана ад людской душы
Пад пылам, як пад золатам, чужога,
Ня лепшага, ня горшага, чужога.
І наша ты ад згубы ратаваў,
Ня просячы сабе ратунку ў Бога,
І потым зноў з-за кратаў уцякаў
У думках у музэй, які ствараў,
Зь якога ты не зьберажэш нічога
Амаль, але ня зьнікне шлях адвечны,
Шлях беларускі, па якім і ты
Прайшоў па-беларуску чалавечна,
Пакінуўшы няўпыльныя сьляды...
 
1.VIII.2008.
 
 
 
 
Падабаецца     Не падабаецца
2009–2020. Беларусь, Менск.