РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
*  *  *
Жыве паэзія ў агні,
Нібыта Божы дух у Храме,
Нібыта крык у цішыні,
Нібыта ведзьма ў пекнай даме.
 
Жыве паэзія ў агні,
І ты, нібы вогнепаклоньнік,
Пры ёй жывеш у гэтым дні
І гінеш у яе бяздоньні.
 
Жыве паэзія ў агні,
Нібы дарога ў цёмнай ночы,
Дзе едзе рыцар на кані,
Каб пекнай дамы ўбачыць вочы.
 
І ты ў агонь, як воўк, глядзіш
І словы вогненна рыфмуеш,
Нібыта да Хрыста ляціш
І ведзьму голую цалуеш...
 
 
 
 
Падабаецца     Не падабаецца
2009–2020. Беларусь, Менск.