Збудую паветраны замак, Анёлы паселяцца ў ім. Ты будзеш у замку таксама, Ты будзеш у сэрцы маім. На лютнях зайграюць анёлы, І ўспыхнуцца ружы наўкол. І раю блакітныя пчолы Нам сьвечкі паставяць на стол. І будзе наш замак праз ружы У небе, як мроіва, плыць. Нам хмараў вандроўныя сьцюжы З табой, як санэты, любіць. Паветраны замак збудую Над садам – кляштарам тваім. Цябе я ўкраду, пацалую, І ў неба, як сон, паляцім.
2.IX.1994.
|
|