Празь цябе, я знаю, празь цябе Гэтак сьветла сёньня на двары. Вогнішча рабіньніку дзяўбе Сьнегірок – вясёлы сын зары. Любая, усьмешкі не хавай. Валасы не запляці ў касу. Хай вачэй сьвітае сінява. Я сьняжынкі, як букет, нясу. Не данёс. Букет расьцьвіў сьлязой. На сьлязу увагі не зьвярні. Паглядзі, над белаю зямлёй Белы дзень на сонечным кані. Ты ўсьміхнулася, і мне сьвятлей. Сьнегірок, як меншы сын зары, Падлятае да цябе бліжэй. І яму ты ўсьмешку падары.
3.XII.1980.
|
|