Мінулым летам абмялела рэчка, А гэтаю вясною зьнікла рыба. Гавораць, гэта ад таго, што часта Шафёры ў рэчцы сталі мыць машыны... Цяпер да рэчкі зь вёскі ўжо ня ходзяць, Вось толькі адзінокая бабуля, Што ля ракі жыве ў сівенькай хаце, Хоць зрэдку – мые ў ёй бялізну, бульбу. Усе зьдзіўляюца, як гэта рэчка Да сёньняшняга дня не перасохла. Я думаю, таму, што ля ракі Жыве яшчэ сівенькая бабуля.
28.VII.1980.
|
|