РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
*  *  *
Ад ветру у фортцы
                                          разьбілася шыба,
Пад столь
                        занавеска
                                              сьцюдзёна трапеча.
У неба ўрастае
                                  галінамі ліпа,
У травы ўрастае
                                      туманамі вечар.
 
Як белыя птушкі,
                                      ўзьляцелі паперы,
І стол апусьцеў,
                                  нібы бераг ад стрэлу.
Са злосьцю на шум
                                          зачыніліся дзьверы,
І стала падлога
                                  па-сьнежнаму белай.
 
Я фортку зашкліў –
                                          яшчэ холадна ў леце,
Па мейсцах расклаў
                                              і паперы, і рэчы.
На самым сьвітаньні
                                              заціх буйны вецер,
Ды ліпа шуміць,
                                  занавеска трапеча.
 
 
 
 
Падабаецца     Не падабаецца
2009–2020. Беларусь, Менск.