РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Караткевіч
Вершы
Кантэкстны тлумачальны слоўнік
Маладая вясна
Маладыя, пушыстыя лісьцейкі грушы,
А за імі, на скалах, дубоў галізна.
Ў беласьнежным прыбоі, у квецені рушыць
Маладая вясна.
Нібы сьнег вяршынь ажывае ў цьвіценьні,
І садоў і аблокаў зьвіваецца дым:
Белых хмарак алені ў зыркім небе вясеньнім
Пралятаюць да мора і дваяцца над ім.
Ты мне сонца! І мора! І подых маю!
Я люблю цябе так, што кроў, як прыбой!
Што ж ты плачаш, чаго ж ты мяне абдымаеш?
Я з табою.
З табой.
 
5.X.1968. Ялта – Менск.
 
 
 
 
Падабаецца     Не падабаецца
2009–2020. Беларусь, Менск.