РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
*  *  *
Стаміўшыся ад дзённай мітусьні,
Ішоў гуляць па скверы ля завода,
Дзе газазварак сьлепкія агні
Праз шчыліны запыленыя плота
Сьвяціліся сьцюдзёнаю журбой.
Спаткацца тут хацелася з табой.
А ты ў той час хадзіла па Траецкім,
Дзе, каваю прапахлыя, вятры
Мялі лісьцё чырвонае ў двары.
Шампанскім салютуючы савецкім,
Кусьціліся ў кавярнях маладзёны,
Як на Кальварыі вясной вароны.
Я ў скверы ўслых чытаў Апалінэра,
Прысеўшы ля куста бялюткіх руж.
Над Менскам самалёта дымны вуж
Ляцеў, як над Парыжам тым фанэра.
І мне было тады не да фанэр,
Маю душу п’яніў Апалінэр.
І ты ў «Вянок» заходзіла ў той час,
Купляла асалодна старадрукі,
Што да цябе прасіліся у рукі.
І цэлы век яшчэ быў паміж нас,
Дзе рознымі мы сьцежкамі хадзілі,
Дзе мы ўздыхалі і дзе нас любілі.
 
 
 
 
Падабаецца     Не падабаецца
2009–2020. Беларусь, Менск.