Я чакаў цябе тысячы год, І ўрэшце прыйшла ты, прыйшла... А ў вачох тваіх – холад і лёд, А сэрца тваё – скала. Неласкавая ты са мной, Як зімовага мора валы, Як пілы скал пада мной І як сьнег на схілах Яйлы. І калі я цалую цябе – Так сьціскаеш ты гожы свой рот, Быццам я катую цябе, Быццам я – канец і сыход. Растаплю я твае сьнягі, А іначай – лёс, як сьвінец, Сконы радасьці і тугі, І канец. Сапраўды... канец.
22.III.1967. Ялта.
|
|