Зноў мой сум, як туман над маёю дарогай, На якой не было цэлы век анікога І ня будзе ніколі, як ня будзе й мяне, Калі сум мой, як гэты туман, не міне. Сумна мне і нікому пра сум не сказаць, Бо пачнуць пасьміхацца і жыць павучаць, Толькі я ўжо вучоны і я знаю даўно, Што ніхто не глядзіць так, як маці ў вакно, У вакно, празь якое жыцьцё не відно. І дарога дадому, чым у сьвет, карацей, Бо да маці іду, бо іду да людзей, І мне хочацца плакаць, і мне хочацца жыць, І апошняму злыдню пра свой сум гаварыць...
|
|