RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ciotka
Vieršy
Kantekstny tłumačalny słoŭnik
Na mahile
Na mahile ŭzydu dubam,
Pačnu šaptać bratnim hubam
Ab ich dołi, ab svabodzie,
Stanu pieśniaj u narodzie!
Pastuch dudku ź mianie skrucić,
Jak zajhraje, kroŭ zamucić,
Jak zaśvišča, kožny stanie:
«Što za hrańnie, što za hrańnie?
Što to budzie, što to budzie
Z hetaj pieśni ŭ našym ludzie!»
Vostry zuby, jak by ź piły,
Koluć, režuć, ciahnuć žyły,
Smalać, palać, piakuć, studziać,
Starych, małych sa sna budziać.
Jak na vuhlach kožny stanie:
«Što za hrańnie, što za hrańnie?
Što to budzie, što to budzie
Z hetaj pieśni ŭ našym ludzie!»
Łist dubovy pad chleb ścieluć,
Žołudź jaho ŭ žornach mieluć.
A dzie z duba choć pyłinka, –
Hrudź trasiecca, jak asinka,
A dzie tolki dudka śvišča, –
Ludzi biahuć, jak na jhryšča,
Jak na dziva kožny stanie:
«Što za hrańnie, što za hrańnie?
Što to budzie, što to budzie
Z hetaj pieśni ŭ našym ludzie!»
 
1905–1906
 
 
 
 
Padabajecca     Nie padabajecca
2009–2020. Biełaruś, Miensk.