RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ciotka
Vieršy
Kantekstny tłumačalny słoŭnik
Chrest na svabodu
Na uschodzie krasna nieba.
Nas nia dzivić – tak i treba!
Kroŭ rakami ljecca ŭ mora,
Sałdat hinie tam ad hora
Biez kašułi i biaz chleba.
Nas nia dzivić – tak i treba!
 
Honiać syna, honiać muža,
My słuchajem cara duža.
Z dušy bjecca skarha ŭ nieba,
A my maŭčym – tak i treba!
 
Žandar strele, kazak bjecca,
U naroda spina hniecca
Ad nałohaŭ z sołi, chleba,
A my płacim – tak i treba!
 
Ŭ Pieciarburzie źmierłi ludzi:
Im prašyłi kulaj hrudzi,
Bo to ź pieśniaj i z ałtaram
Pajšłi z papom pierad caram.
 
A car sypnuŭ, jak by ź nieba,
Tysiač kulaŭ – tak i treba.
 
Durniaŭ chryścić na svabodu.
Car navuku daŭ narodu,
Pakazaŭ im, jak by ź nieba,
Što bolš cara nie patreba!
Tahdy Hapon u hramadu
Biažyć, kryčyć: «Treba ładu,
Treba šrotu, bombaŭ, strelbaŭ,
Treba bić nam hetych šelmaŭ.
Tre złizać usich ministraŭ,
Biurakrataŭ, antychrystaŭ».
Čuju jašče hołas z nieba,
Što cara paviesić treba!
3 toj pary Maskva, Varšava,
Ryha, Vilnia, Bak, Łibava,
Biełaruś, Łitva, Rasieja
Honiać von cara-zładzieja!
Narod čuje hołas ź nieba,
Što bolš cara nie patreba!
 
Bomba – trach. Siarhiej u šmaty,
Mirski biažyć až dachaty,
Car u strachu, sienat mleje,
Biedanoscaŭ až chvareje...
Kładuć sietki, kaski, blachi.
Najbolš strašać – heta lachi:
Cicha koluć, celnie strelać,
Tak, jak žyta, čarciej mieluć.
Narod čuje hołas ź nieba,
Što bolš cara nie patreba.
 
Luty, 1905.
 
 
 
 
Padabajecca     Nie padabajecca
2009–2020. Biełaruś, Miensk.