RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ciotka
Vieršy
Kantekstny tłumačalny słoŭnik
Dobryja vieści
Ach, bracie rodny, niasucca vieści,
Ŭžo hrajuć maršy tam na uschodzie,
Nad kožnaj chataj, u kožnym miejscy
Ščabiečuć ptuški nam a svabodzie.
 
Usich złučyła čaroŭna słova,
Žalezny vobruč skuŭ nam dałoń.
I matka syna dać nam hatova,
I žonka muža vyšle ŭ ahoń.
 
I dzied stareńki biažyć ŭ družynu,
I ŭnučak śledam dzieda śpiašyć.
Chłopiec, abniaŭšy lubu dziaŭčynu,
Na barykadach śmieła staić.
 
Ach, bracie, krepka siła ŭ narodzie!
Dobryja vieści zusiul iduć,
Bo to miljony razam u zhodzie
Da lepšaj dołi śmieła iduć.
 
Ach, bracie, važny momant prychodzić,
Važnu achviaru pryjdziecca dać:
Na niebie sonca ščaścia uschodzić,
Tolki patrebna chmary prahnać.
 
Śniežań, 1905.
 
 
 
 
Padabajecca     Nie padabajecca
2009–2020. Biełaruś, Miensk.