RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ciotka
Vieršy
Kantekstny tłumačalny słoŭnik
Naš paletak
Naš paletak pamiž miežaŭ,
Z-za katorych ćvicie zbožža,
A naš skravak štoś zaležaŭ,
Naš zahon zyści nia moža.
Ci to hleba da ničoha?
Ci to ruki ŭ nas słabyja,
Što nia majem ziernia svoha,
Što my chodzim, jak ślapyja?
Hleba čorna, ŭ rukach siła,
Tolki našych haratajaŭ
Niekaś mara ŭsio zvadziła
Hen za miežy da vyrajaŭ...
Naš siaviec nia raz tam kidaŭ
Załatoje ziernie z žmieni,
Jon nia raz tam plony vydaŭ,
A u nas raśłi kamieńni.
Naš paletak nie araty,
Pałynami ćvicie niva.
Nu-ka, bratcy, kumy, svaty,
Da raboty stańma žyva!
Chto araci dobra zmoža,
Chto razory skora ładzić,
Chto ščaśłiva sieje zbožža,
Chto harody dobra sadzić, –
Žyva, žyva za rabotu!
Biez ahladki, chto što moža,
Usie roŭny biez rasčotu,
Usich praca buczie hoža!
 
1906
 
 
 
 
Padabajecca     Nie padabajecca
2009–2020. Biełaruś, Miensk.