RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ciotka
Vieršy
Kantekstny tłumačalny słoŭnik
Hrajka
Hraŭ by ja mnoha, dy sił nie chvataje,
I rviecca za strunkaju strunka,
Choć pieśnia jašče nie zamiorła ŭdałaja,
Choć rodzicca dumka za dumkaj.
 
Hraŭ by ja mnoha, dy śmierć kaža «hodzie!»,
Ŭ mahiłku mnie ładzicca kaža...
Ej, rviciesia, struny, što heta mnie škodzie?
Ŭ mahiłku supolna my lažam!
 
Moža, z toj łiry vyraście iva,
Z parvanych strun – biełyja kvietki,
Moža, viasnoju buduć ihryva
U dreŭca cieniu hulać dzietki,
 
Moža, chto ź dzietak skrucie žalejku –
Ŭnučku pałomanaj łiry –
I tak zajhraje, što ŭsieńka ziamielka
Pačuje moj vodhałas ščyry!
 
Dziedavy struny, rana parvanyja,
Znoŭ hromka azvucca, jak zvony:
Pieśnia, za žyćcie jaho niedahranaja,
Ŭ sercy unuka daść plony.
 
A na zaduški pad ciomnaju ivaj
Žyvoje pačujecca słova,
Što pieśnia ŭstała z stotysiačnaj siłaj,
Žyvie maja łira nanova!
 
1909
 
 
 
 
Padabajecca     Nie padabajecca
2009–2020. Biełaruś, Miensk.