РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
Баляда Магільянскай бітвы
1284

                                  Бітва працягвалася з ранку да вечара
                          і скончылася на карысьць князя Рынгольта.
                          Кааліцыя рускіх князёў і татар панесла
                          страты ў 40 тысяч чалавек. Страты войска
                          Рынгольта – 700 забітых і 200 параненых.

 
Сорак тысяч магіл каля вёскі Магільна
Анікому капаць, анікому аплакаць –
Вы здалёку прыйшлі, будзе сьніцца вам Вільня,
Да якой вы хацелі са сьмерцю дайсьці.
І ўсю ноч у Магільна правые сабака,
І ня ўзыдзе раса на траве і лісьці,
Толькі кроў зачарнее, як вугаль, застыне
І малітва чужая зь яе не ўсплыве,
І назаўтра пральецца, як зь вечнасьці, лівень,
Як у Лету, у Нёман зьнясе па траве
Кроў чужую і долю, і веру чужую,
І князёў-маскалёў і арду залатую...
 
Чарапоў сорак тысяч ля вёскі Магільна
У траве па дарозе з чужыны на Вільна
Будзе доўга жаўцець, размывацца дажджамі
І прымацца зямлёю, што ў нас пад нагамі...
 
23.VIII.2005.
 
 
 
 
Падабаецца     Не падабаецца
2009–2020. Беларусь, Менск.