 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Вам, маладым будаўнікам і творцам,
Каб меншыя цярпець няўдачы-страты,
У наш вучоны век я раю моцна:
Чытайце казкі, хлопцы і дзяўчаты!
Так, так, старыя казачкі чытайце!
Не думайце, што вы, маўляў, даўно ўжо
З іх вырасьлі, як з вопраткі дзіцячай,
Асвоіўшыся з кніжнасьцю найноўшай.
Зь іх кожнай фабулы, зусім нядоўгай,
Вы зразумееце шмат мудрых ісьцін:
Чаму лісе не трэба верыць дохлай,
Як гэта дзед адзін зрабіў калісьці;
Чаму палонікам, з размаху, дзятла
Не трэба біць на галаве ў дзіцяці;
Чаму сабаку "воўчыцца" не варта
Перад старым канём на сенажаці;
Чаму ваўку не трэба камізэлька
З двума радамі гузікаў на бруху;
Чаму царэвіч там, дзе ўпала стрэлка,
Узяў за жонку брыдкую рапуху;
Чаму не трэба быць такім бязглуздым
I легкаверным, як мядзьведзь у яме,
Што зачарэпіў сам свае гізунды
I выцягнуў іх лапай з пазурамі...
Навукі мудрай – край там непачаты!
Таму й кажу вам: у жыцьця на старце –
Чытайце казкі, хлопцы і дзяўчаты!
Старыя казачкі часьцей чытайце!
1977—1978
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
