РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Віктар Шніп
Вершы
Кантэкстны тлумачальны слоўнік
Баляда Ларысы Геніюш
9.08.1910 – 7.04.1983
Воля на чужыне,
На Радзіме краты.
Выбар – невялікі,
Толькі выбар ёсьць.
Вецер сумна вые,
Воўчы цень ля хаты
У зубах трымае,
Згаладалы, косьць.
 
Зойдзе цень на ганак –
Не кажы нічога.
Добра што на сьвеце
Ёсьць яшчэ сябры.
Сьвечка асьвятляе
І крыжы, і Бога.
Сьвечка сьветла плача,
Сьвечка не гарыць.
 
А навокал цёмна,
Нібы ў дамавіне.
А навокал цені,
А навокал – сон.
Толькі вецер вые.
Вецер у Айчыне
З могілак узьняты
Крыламі варон.
 
І пачата споведзь
Прад людзьмі і Богам.
І пачуты словы,
І пачуты крык.
Толькі на Айчыну
Помніцца дарога,
Дзе ў руцэ Айчыны
З дыямэнту цьвік.
 
1.XII.1993.
 
 
 
 
Падабаецца     Не падабаецца
2009–2020. Беларусь, Менск.