Быць выключным – якая спакусная роля. І якая страшэнная доля – выключнасьць. ...Ты прыйшоў да Радзімы, наіўны да болю, І на твары яе сьнег убачыў сьляпучы. А жыцьцё адбірала твае спадзяваньні, Ты вучыўся любіць – і ня мог навучыцца. Нітку лёсу заблыталі строгія Паркі, І яна не падобная да бліскавіцы. Ты ў сабе адчуваў агнявую ахвярнасьць, Ты сябе ашукаў. Ты ня здолеў нічога. Жоўкнуць кнігі, што ты напісаў у юнацтве, Быццам кветкі – у храме паганскага бога. І зямля не адтала, і неба пустое, Як ні біся, ні радуйся славе халоднай. І прызнацца няможна і перад сабою, Што ня дадзена сэрцу іскрынкі ніводнай.
|
|