РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Людміла Рублеўская
Вершы
Кантэкстны тлумачальны слоўнік
Nature
Таямніца зямлі.
                                  Жыватворнасьць травы невядомай.
Сіла кветкі, што вечнасьць дае.
                                                                      Бляск галодных расіц.
Дробны вогнік жыцьця
                                                    разьдзімае пажар на адхоне,
А бясьсілы Пярун –
                                          на крыжы са сваіх бліскавіц.
Чалавек – уладар над слабейшым.
                                                                      ?А гольле ялінаў
Да крыві адсьцябае
                                          палюючага караля.
І падымуць аблокі душу
                                                      на кудлатыя сьпіны,
Не раней, чымся цела
                                                  ў зямлю ператворыць зямля.
Таямніца зямлі.
                                  Хто – сьлімак, што гадуецца ў камні?
Сэрца камня – ці дух
                                              пашчапанай майстрамі скалы?
І ўзрываецца снамі,
                                          як поле, спакойная памяць.
І кусае за сэрца
                                  бязьлітасным срэбрам стралы.
 
 
 
 
Падабаецца     Не падабаецца
2009–2020. Беларусь, Менск.