РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Людміла Рублеўская
Вершы
Кантэкстны тлумачальны слоўнік
*  *  *
Сьнег растане, і зноў, нібы Сфінкс,
Сакавік усьміхнецца.
Мы палічым гады, як нямыя зязюлі.
А сэрца
Зь ільдзяным аскалёпкам –
                                                            забудзецца нават на боль.
Сьнег растане...
                                    Але на шчыце прынясуць нашу роль.
Хто мы? Блазны.
                                      Майстры мармуровых бязвокіх багінь.
Мармуровыя крылы
                                              ніколі ня страцяць вагі.
Не сагрэецца сэрца маленькага Кая...
                                                                                  Але
Сьнег растане... І шэрань
                                                        сьцячэ па каменным крыле.
І анёл, на якога аднойчы зямныя глядзяць,
Мне прашэпча: «Маліся...
З малітвай лягчэй раставаць».
 
 
 
 
Падабаецца     Не падабаецца
2009–2020. Беларусь, Менск.