РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ларыса Геніюш
Вершы
Кантэкстны тлумачальны слоўнік
Віцебск
Тваіх ранаў не пералічыш,
вой стары з маладым абліччам.
 
Нескароны ў крутой барацьбе,
акрыяў, ажыў – пакалочаны.
Нашы сэрцы імкнуцца к табе,
як калісьць на забытае веча.
 
Лёс шчасьлівы дазволіў сынам
на шчыце тваім век свой высечы.
Ганарыцца нашчадак – дзядам
і ня сто і ня дзьвесьце – тысяча.
 
Жыць табе у вянку нашых сёл,
новай славай гудзець, красавацца.
Хай к табе за сьвяточны стол
прыйдзе мір і плённая праца.
 
Рэхам слоў, што вякамі гучаць
зь дзён Ярылавых, як бязьсьмерце,
калышы сьветла-русых дзяўчат,
беражы каля мужнага сэрца.
 
 
 
 
Падабаецца     Не падабаецца
2009–2019. Беларусь, Менск.