 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Pamiaci babułi majoj, sał-
datki i maci čatyroch
sałdat
Askołak škrabanuŭ rydloŭku..
Bałić jašče ŭ ziamłi vajna...
Pa doŭhaj vułicy Duboŭki
Na ručnikach płyła truna.
Z zavołžskich stepaŭ viejaŭ sivier.
Tam pachavany ziemlaki –
Na mohiłkach uzdoŭž raki,
Na pravym bierazie Rasii.
Jany pryjšłi siudy ź lasoŭ,
Z Prybužža,
Ź Niomana,
Z Hiarviatki,
Z asiraciełych tych damoŭ,
Dzie pa načoch kryčać sałdatki.
Dzie na ŭźbiarežžach Biełarusi
Lažać z Pavołža ziemlaki.
Jaki praściah mahił! Viaki
Lacieć nad imi zavirusie!..
O suviaź bolu
Nad ziamloj
Žyvych
I miortvych hetym bolem!..
Daruj sałdatka, što nikołi
Nie całavaŭ ruki tvajoj.
Daruj mnie za spakoj i cišu
Na tvary nierušnym tvaim...
A sivier holle dreŭ kałyša
I z kominaŭ zryvaje dym!
Žyćcio idzie – i treba žyć.
I na paminkach ceły viečar
Ja budu niešta havaryć
I budu kajacca u niečym.
A rankam, horki ad vina,
Pajdu da śviežaha pahorka –
Pierad suśvietam i Duboŭkaj
Sam vinavaty,
Jak vajna.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
