RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Uładzimier Niaklajeŭ
Vieršy
Kantekstny tłumačalny słoŭnik
*  *  *
Nie, nie taju nadziej na bieźśmiarotnaść,
Ale i ŭ śmierć pavieryć nie mahu,
I, jak ad kułi serca, bierahu
I pačućcia i słova pieršarodnaść.
 
I pačućcia i słova pieršarodnaść,
I pieśni pra kachańnie i ziamlu,
Pra ziernie, što pasiejena ŭ rallu,
Bo jość na śviecie chleba nieabchodnaść.
 
Ja viedaju pra chleba nieabchodnaść,
Ale taksama viedaju nia horš,
Jak nieabchodny zadumienny Sož,
Načnych niabios i vyšynia i zornaść.
 
Načnych niabios i vyšynia i zornaść,
Ptušyny homan i dziciačy śmiech,
Doždž krasavicki, sakavicki śnieh,
Ščymłivaja ich pieršaść i apošniaść.
 
Ščymłivaja ich pieršaść i apošniaść,
Što raptam prasiakaje pačućciom
Nia viečnaj našaj suviazi z žyćciom
I tajnaściu nadziej na bieźśmiarotnaść.
 
 
 
 
Padabajecca     Nie padabajecca
2009–2020. Biełaruś, Miensk.