RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Uładzimier Niaklajeŭ
Vieršy
Kantekstny tłumačalny słoŭnik
Niamiha
Vysokimi hurbami
U śniežni śniahi zasiniełi...
Jakija zaviei, lubaja,
Jakija zaviei!
 
Naskroź prainiełi –
Da sonca, da pieršaj adłihi –
Damy, što ŭcalełi
Na nitačcy
Čujnaj Niamihi.
 
Tam ciesny pakojčyk,
Pakinuty nami, zabyty...
Ciapier tam paŭnočna –
I dźviery
Ćvikami zabity.
 
I klamku pakratać,
Aščeryŭšy pašču zabojcy,
Paŭzie ekskavatar,
Jak pomsta
Časoŭ miezazojskich...
 
Tam leta šaleła.
Śpiakotnaje,
Sumnaje leta,
Jak žoŭty kvadrat na špalerach
Na miejscy partreta.
I tak rahatała
Kamiennaje recha na skroniach,
Vy vojska skakała
Na sytych
Uzmylenych koniach...
 
Zaviejnyja viei...
Pad nieba zaviei, pad miesiac!
Čamu my nia ŭmiejem
Śviatočnaje
Łaščyć i pieścić?
 
Budzionnaść atułić,
Niamiha zabjecca hałinkaj.
Tam leta było,
Ty adtul mnie
Machaješ chuścinkaj.
 
I ruki łamaje,
Zvanami zavułkaŭ trapieča
Niamiha staraja,
Nibyta
Skłikaje na vieča.
 
 
 
 
Padabajecca     Nie padabajecca
2009–2020. Biełaruś, Miensk.