 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Skarycca
I lehčy pad kołami času...
Niaŭžo samahubstva?!
Prytupvaje era žaleznym abcasam!
Prytupvaje era žaleznym abcasam!
Paezija – hłupstva.
Zaprehčy Pehasa –
Pajechać ad vyhanu hłupstva
Da horada Hłuska.
U Hłusku
Nachilena nieba,
jak zrezana z bochana łusta.
Pju piva
I sol rassypaju z talerki ščarbataj...
A čas – vočy ŭ vočy, –
Niby pierad im vinavaty ja,
Skroź vinavaty...
Jakoju vichuraj
Mianie padchapiła,
Z kareńniami vyrvała?!
Laciać maje dumki
Ptušynym razhublenym vyrajem.
Da niejkaje zorki adzinaj,
Maŭkłivaj,
jak pošta biaz suviazi,
Dzie dušna i ciesna,
nibyta
Zašpilena nieba na huziki.
O, jak biesprytulna ŭ suśviecie!
Źnianacku.
Raptoŭna.
Płyvie nad ziamloj biesprytulnaj
Biesprytulnaja poŭnia.
Pa vułicach
Hłuska
Snujuć
Biesprytulna
Kiborhi?!.
Bufietčyca łajecca...
Značyć,
Da hetaha doŭha.
Płaču ja bufietčycy,
Płaču ŭ zabrudžany sačyk...
A potym
Na reštu kuplaju viasiołkavy miačyk,
Zialona-čyrvony,
Padskokvaje
Jon
Pad rukoju
Zialona-čyrvonaj,
Da rospačy lubaj
Ziamloju.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
