RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Uładzimier Niaklajeŭ
Vieršy
Kantekstny tłumačalny słoŭnik
Leśničoŭka
Prahinaje viecier krokvy.
Miortvy śnieh płastaje dach.
Pusta. Hułka.
Kryki, kroki
U zaviejanych palach.
 
– Mama, chto tam?
– Śpi. Nikoha.
 
Viecier... Śnieh...
 
– Zirni ŭ vakno:
Vaŭkałak!
– Pabojsia Boha!
– Niechta jość usio adno!
 
Kryk.
– Ty čuła?
– Padałosia...
 
Streł.
– Ty čuješ?
– Hrom...
– Zimoj?
Mama,
Mama, jon hałosić!
– Heta ściuža, chłopčyk moj.
 
Kožnaj doškaj stohnie chata.
Klamka brazhaje sama.
– Mama, strašna...
Dzie naš tata?
– Tata ŭ horadzie...
 
Zima.
Pusta. Hułka.
Kryki. Kroki.
Znoŭku streł. I kryk.
I ciš.
Leśničoŭka. Kraj daloki.
Šlach daloki. Śnieh hłyboki.
 
Dni.
Hady.
Stahodździ.
– Spiš?
 
...Jon zasnuŭ, nibyta zhinuŭ.
Vaŭkałak trubiŭ u roh.
 
Ranicoju viecier kinuŭ
Šapku baćki na paroh...
 
 
 
 
Padabajecca     Nie padabajecca
2009–2020. Biełaruś, Miensk.