... Пасьля ванны пахнеш добрым мылам, пасьля працы – пломбамі і ёдам, пахнеш кухняй, хлебам, хатнім мылам, пахнеш рыбай, жнівеньскім гародам, пасьля мужа пахнеш дзьмухаўцамі, пасьля фэсту ў Будславе – касьцёлам, пахнеш кменам, аерам, квасцамі, велікодкай булкаю і толам, пахнеш васемнаццацьцю гадамі, пахнеш так, як пахну я, калі пакрываю прасьціну сьлядамі нібы разараны пласт ральлі.
1998, кастрычнік.
|
|