 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
У цёплае кватэры,
як у замкненай сферы
анёлы і хімеры
з пачварным хараством.
Ня маюць мары меры
ды даць няможна веры,
што ты адчыніш дзьверы
у мой аціхлы дом.
Ляжыць кавалкам лета
пажоўклая газета.
Цыгарка, як камета
з абгрызеным хвастом.
А звонку ходзіць сьцюжа,
на шкле малюе ружы.
I, пэўна, мерзьне дужа
мой казачны фантом.
Адсюль далёка недзе
на полюсе мядзьведзі
варушаць ледзьве-ледзьве
сусьветны наш садом.
У цёмнае кватэры,
як у жывым этэры
Я – Моцарт і Сальеры
і вечар за вакном.
Лістапад, 2004.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
