RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Łarysa Hienijuš
Vieršy
Kantekstny tłumačalny słoŭnik
Mova maja
Zasumavała ŭsio, što sercu błizka,
viatry inačaj, žałasna huduć...
Movu maju, byccam dzicia z kałyski,
by maci rodnuju, pradčasna ŭ doł kładuć...
 
Sum pa darohach, pa halłi viarbovym,
sum u vačoch, tryvožny bolu cień...
Ŭžo nie śmiajecca, tolki chmuryć brovy
biassoniečny naš biełaruski dzień.
 
Jość saranča, što abjadaje drevy,
i bury, zdolnyja ź ziamloju ŭsio zraŭnać...
Za što tabie, moj cichi Kraju śpieŭny,
z hrudzioŭ mahutnych dušu vyryvać?
 
Naš viečny źnič, ručvo kryvi haračaj,
burłiš dniaproŭskaj chvalaj praź viaki,
z taboj žyviem, z taboj nas śviet ubačyŭ,
sa słoŭ tvaich paety ŭjuć vianki.
 
Mova maja, naš čysty tvar niavinny,
z taboj nia ŭstyd nam vyjści da ludziej,
padbitaja u rodnych kalainach,
prydušana la matčynych hrudziej...
 
Biaz kryŭd čužych, a z kryŭdami svaimi,
pračystaja, hatovišsia na kryž,
patoptana, raśpiataja čužymi,
małitvaju na vusnach nam dryžyš.
 
My staimo, Piatry i Mahdaleny,
Piłaty ruki vymyłi ŭ kryvi...
Mova maja, narodu skarb niatlenny,
mova maja, ŭvaskrośni i žyvi!
 
 
 
 
Padabajecca     Nie padabajecca
2009–2020. Biełaruś, Miensk.