Грозна шалее пурга над зямлёю, сьнег падымае, ірве, ломіць штыкі адзічэлым канвоям, над мёрзлаю тундрай раве. Б’е ў вочы лядзяным рассыпчатым макам, жменямі кідае ў твар. Корчацца на’т ля канвояў сабакі, адзін не дрыжыць – паднявольны бунтар. Буру вітае, як помач ў магіле, віхрам насустрач бясстрашна ідзе. «Бі іх за тое, што нас яны білі! Муч іх за тое, што мучаць штодзень!» Віхар паўночны, што грозіць, ня плача, адзіны мой дружа ў нявольным жыцьці, каб гора ня ведаць, каб зьдзеку ня бачыць, ты з твару зямлі іх навекі зьмяці!
|
|