Неонавым, такім рэклямным вечарам шляхом сваіх неўтаймаваных дум, о, край чужы, я да цябе даверчыва ужо ніколі болей не прыйду. Славяне славяцца адвагаю, гасьціннасьцю ці грамадзянскай мужнасьцю, як мы. Славянкі – шчырай цеплынёю, літасьцю. Пра Юду – гэта не славянскі міф. Твой пыл мне з ног у вязьніцы асыпаўся, да сэрца ж ён ніколі не прыстаў. Няслаўна ўсё, што строга і бязьлітасна. Людская вартасьць – мера велькіх спраў. Нягадана мне на шляху сустрэчаны, прадаўшы ў путах душу не адну, чужы, ня братні, зь людскасьцю разьвенчаны, – я да цябе ніколі не прыйду.
|
|